"fit4future" ei in'iniziativa dalla fundaziun "Cleven", la quala sengascha dapi varga 10 onns activamein dalla sanadad d'affons sin ils secturs nutriment, moviment e trenament pil tschurvi.

17 marveglius scolars dalla secunda classa ein serendi gievgia, ils 14 da november 2019 en stanza dalla scolasta da classa Madleina Lala. Brida Camenisch e la coordinatura dalla fundaziun Cleven per nossa scola han il di avon drizzau en la stanza e decorau las meisas cun ils sets da meisa e las cartas da nums ch'ils affons han fatg. Igl avonmiezdi segida la mumma da Mara.

Cun la cuorsa dils fretgs, il giug da memori "fretgs e verduras" ed il giug salata da baus da cuschina entscheiva Alexandra Schlegel, la menadra dil cuors da cuschinar fit4future, il di. Cun grond plascher vegn termagliau ed el medem mument empriu novas expressiuns sco p.ex. rava.

Suenter ina cuorta introducziun entscheivan las scolaras ed ils scolars cun la preparaziun dils spiduns da fretgs ed ils Dips da verduras. Silsuenter vegn cuntinuau cun la salata da macruns, il spidun vegetaric ed ils delizius tiramisu da pumareida. Ils rezepts leutier saveis Vus cargar giu cheu.

Cuort avon las dudisch havein nus saviu guder communablamein e da buna luna nies gentar. Il meglier han las scolaras ed ils scolars schau gustar il dessert. E sco finiziun ein tuts segidai la levar giu e far uorden. In avonmiezdi gartegiau vegn terminaus cun in cuort feedback.