lavur sociala da scola

Igl onn da scola niev 2015/16 ei la lavur sociala vegnida introducida tier la Scola Ilanz/Glion. Quella vegn purschida dalla Casa Depuoz.

Jürg Marguth ed Ivana Schmucki ein contonschibels per telefon ni mail per scolaras e scolars, geniturs e persunas d'instrucziun.

Datas da contact da: Jürg Marguth ed Ivana Derungs

Damondas? Bu targlinei, telefonei!

Impurtont: Jürg Marguth ei suttamess a l'obligaziun da discreziun e sa tractar Vies giavisch confidenzialmein.

Tgei ei la lavur sociala da scola?

La lavur sociala da scola ha la finamira d'accumpignar las scolaras ed ils scolars el process da lur svilup, da sustener els per ch'els damognien la veta a moda cuntenteivla e da promover lur cumpetenzas che gidan a sligiar problems persunals e/ni socials. Per quels motivs adattescha la lavur sociala da scola las metodas ed ils principis dalla lavur sociala sin il sistem da scola. Ella survescha alla

 

  • prevenziun
  • diagnostica ed intervenziun a moda tempriva
  • cussegliaziun da scolar(a)s, scolast(a)s e geniturs
  • intervenziuns en classas e gruppas
  • intervenziuns en cass da crisas e conflicts
  • prestaziuns agl intern dalla scola (projects davart differents temas)
  • colligiaziuns cun auters survetschs

Concret significhescha quei ch'ella

  • promova el process da cussegliaziun il svilup persunal e social dallas scolaras e dils scolars
  • sustegn ed accumpogna scolaras e scolars en situaziuns da crisa acutas
  • gida ad integrar las scolaras ed ils scolars el spazi da viver dalla scola e sustegn els per porscher ad els schanzas d'emprender e da formaziun optimalas
  • rinforza la confidonza dils geniturs en lur cumpetenza d'educaziun
  • sustegn las scolastas ed ils scolasts en cass d'ina situaziun sociala difficultusa en lur classa ni cun singulas scolaras e singuls scolars
  • integrescha temas socials en scola