La survigilonza supplementara a Glion vegn purschida mintga di da scola (gentar: caféteria ARGO; survigilonza dil suentermiezdi: stanza 16 el tract B dalla casa da scola a Glion).

Affons ord ils vitgs da nossa vischnaunca san medemamein far diever dallas structuras dil di a Glion (meisa da miezdi e survigilonza dil suentermiezdi). Per il transport dils affons ein ils geniturs responsabels.

Las annunzias ligiontas valan mintgamai per in quintal (da vacanzas a vacanzas).

Survigilonza duront vacanzas

Per migliurar la cumpatibilitad denter famiglia e lavur ha il cussegl da scola decidiu dad instradar pils affons dalla scoletta entochen la 6avla classa duront treis jamnas da vacanzas (emprema e davosa jamna da vacanzas da stad sco era la secunda jamna da vacanzas d'atun) ina survigilonza pigl entir di.

Ulteriuras informaziuns ein d'anflar el reglament da menaschi dallas structuras dil di.