maletg empalont
Cun l'entschatta digl onn da scola introducescha la scola Ilanz/Glion il maletg empalont "nossa charta" ch'ei vegnius approbaus dil cussegl da scola ils 9 d'uost 2016.
inauguraziun "nossa charta"
Cun igl entir team da scola ed ils responsabels per educaziun, politica ed economia havein nus astgau inaugurar ils 30-9-2016 nies maletg empalont "nossa charta", la quala descriva nossas valurs.
Tut las classas han quei di astgau separticipar ad ina concurrenza da balluns.
Nus havein retschiert entgins tozzels resuns. Ord ils vitgs vischinonts, denton era ord las tiaras vischinontas Tiaratudestga ed Austria ei posta arrivada tier nus. Entgins balluns ein schizun sgulai tochen en Tschecoslovacia e Pologna.
La valetaziun dalla concurrenza da balluns vegn a succeder encunter la fin digl onn da scola. Entras il DANUS vegnin nus ad informar, il ballun da tgei classa ch'ei sgulaus il pli lunsch.
Cordial engraziament a tut ils visitaders da quell'occurenza per la participaziun.
motto da scola 2022 - 2024
"siemis e visiuns"
Mardis, ils 16 d'uost 2022 ha la scola Ilanz/Glion entschiet igl onn da scola 2022/23 cun il motto niev "siemis e visiuns".
motto da scola 2015 - 2017
"Ensemen sin viadi"
Ils 24 d'uost 2015 ha la Scola Ilanz/Glion entschiet igl onn da scola 2015/16 sut il motto "Ensemen sin viadi". Il focus duront igl emprem onn dalla fusiun dalla Scola Ilanz/Glion ei staus da s'arranschar cun il niev menaschi da scola. Quella sfida han tut ils participai dumignau bein. Aschia ei l'attenziun silsuenter sedrizzada sin il svilup dalla via instrada.
El senn da nies motto "Ensemen sin viadi" essan nus semess communablamein sin via. La finamira era, da visitar ina gronda part da nos cunfins da vischnaunca (a pei, cun velo, cun gianellas, ....). Las differentas turas ch'ein vegnidas menadas atras duront ils onns da scola, dueien pia sdrimar ils cunfins da vischnaunca ni menar las scolaras ed ils scolars en loghens specialmein bials ni exponi da nossa vischnaunca.
Sin la grafica cheusut saveis vus persequitar tgei classas che han visitau tgei loghens.
Entginas datas dil territori dalla vischnaunca Ilanz/Glion:
- surfatscha 133.5 km2
- circumferenza dil territori dalla vischnaunca: 82.4 km
- pli ault punct: Hausstock 3158 m.s.m.
- pli bass punct: Isla a Castrisch 672 m.s.m.
ensemen sin viadi
1.&2. classas, scola primara Glion
Naven da Pigniu entuorn il lag da Pigniu ed anavos tochen Pigniu
5. classas, scola primara Glion
Naven da Vuorz tiel casti dil Munt s. Gieri a Rueun e vinavon tochen Glion.
5. e 6. classa Rueun: Laax - Falera - Ladir - Ruschein - Siat silsuenter anavos a Rueun
1. tochen 4. classa Rueun: Falera - Ladir - Ruschein - Glion silsuenter retuorn a Rueun cun auto da posta
1. classa superiura Glion: Riein - Sevgein - Castrisch e silsuenter retuorn a Glion
famiglia Cadruvi Ruschein: alp Renasca, pass Veptga, Crap Tgietschen, Fuorcla da Renasca, alp da Ruschein
famiglia Cadruvi Ruschein: Cuolms da Camuns, Pala da Tgiern, anavos sils cuolms da Camuns
famiglia Cadruvi Ruschein: alp da Riein, Cauma, anavos sin l'alp da Riein
scoletta e scola primara Ruschein:
scoletta: Ruschein - Rueun
scola primara 1.-3. cl: Ruschein - Glion - Castrisch
scola primara 4.-6. cl: Ruschein - Glion, cul tren tochen Versomi - Flem Conn - Flem Uaul
scolas primaras Luven, Duvin e Castrisch/Sevgein/Riein
scoletta tochen 3. cl: Duvin - Pitasch
4. tochen 6. cl: Riein - Signina - Duvin
Breil - (ina gruppa pintga sil Muot da Rubi) - pass Veptga - camona dil Mutsee - Linthal