Glion

liug da scola

La partiziun superiura da Glion (incl. scola da talents) ei cun rodund 130 scolaras e scolars la pli gronda unitad da scola enteifer la scola Ilanz/Glion. Sin il scalem superiur a Glion lavuran entuorn 27 persunas d'instrucziun.

Dapi igl onn da scola 2006 vegn la superiura a Glion menada el model C. Quei munta per ils affons ch'els vegnan reparti en ils roms da tschep tudestg/romontsch, matematica/geometria sco era engles en gruppas da nivel. Aschia eis ei pusseivel, ch'in affon frequenta singuls roms el nivel real ed auters el nivel secundar. Ils ulteriurs roms vegnan instrui en gruppas heterogenas (nivel mischedau). 

La scola da talents Surselva ei medemamein integrada ella casa da scola a Glion. Quella scola ei vegnida fundada igl onn 2009. Quellas duas partiziuns collaboreschan stretg ina cun l'autra. Cun quei link vegnis vus directamein sin la pagina dalla scola da talents.

historia

Scalem superiur Glion

1936    fundaziun dalla scola secundara districtuala Glogn entras 36 vischnauncas

1970    inauguraziun dalla casa da scola nova

1971    fundaziun dil consorzi da scola Glion e contuorn (SGV)

1994    ingrondaziun dils indrezs da scola

1998    introducziun dalla direcziun da scola

2006    introducziun dil modell C

2009    fundaziun dalla Scola da talents Surselva

2013    model C cun classas da tschep heterogenas

2014    il consorzi da scola SGV ei vegnius sligiaus si

classas

Sin il scalem superiur a Glion vegn instruiu tenor il model C cun classas da tschèp heterogenas.

Uraris

Cun in klick sin la classa giavischada contonschis Vus mintgamai igl urari elegiu.

1. OS a

1. OS b

2. OS a

2. OS b

2. OS c

3. OS

team scalem superiur
Andreoli Andrea
scolast dil fatg
Bearth Rita
scolasta da classa
Beer Thomas
scolast dil fatg
Cantieni Antonia
scolasta da classa
Capaul Arno
scolast da classa
Derungs Petra
scolasta per IF
Felix Alexandria
scolasta dil fatg
Fleischer Armin
scolast dil fatg
Hägler Jörg
scolast dil fatg
Halser-Stupf Sonja
scolasta da classa
Halter Simone
scolasta dil fatg
Köb Christina
sault (rom facultativ)
Lala Lorenc
scolast dil fatg
Lüönd Tschuor Brigitta
scola da cuschinar
Meier Bernhard
scolast dil fatg
Müller Christian
scolast dil fatg
Oswald Andrea
scolasta dil fatg
Pfister Anna
scolasta dil fatg
Ragazzo Luciano
scolast dil fatg
Rudolf von Rohr Monika
scolasta dil fatg
Scharf Susanne
scolasta da classa
Sgier Fabian
scolast dil fatg
Tschuor Gieri
scolast da classa / coordinatur local
Vincenz Andri
scolast da classa
Walder Werner
scolast dil fatg
 
 
Qualitad da scola

Valetaziun e promoziun 2015 - 2019 (inspectorat da scola)

 

Rapport clima da scola ed instrucziun

Sustegn da leger

Cuntegn essenzial: Sin fundament dalla pretensiun da qualitad correspundenta vegn mintgamai valetau summativ in sectur ni in attribut entras triangulaziun da datas.

 

Clima/cultura da scola

Il clima da scola dil scalem superiur a Glion ei buns. Las scolaras ed ils scolars sco era las persunas d’instrucziun sesentan bein ed ein cuntents cun la scola sco liug d’emprender e da luvrar.

La pluralitad dallas scolaras e dils scolars va bugen a scola, sesenta tractaus curteseivlamein e gestamein. Quei vegn era confirmau entras ils resuns dils geniturs. La valetaziun pertuccont la cuntentientscha cun la scola ei fetg positiva.

Cun renconuschientscha constatein nus, che quasi tut las persunas d’instrucziun instrueschan bugen al scalem superiur, sesentan bein ed ein cuntents cun las cundiziuns da lavur. Il sustegn vicendeivel el team da scola constat. La scola dispona d’ina aulta complexitad en l’organisaziun ed in ault ritmus da realisar projects innovativs. Cheutras pitescha per part la persistenza ed ei dat muments da grond squetsch per las persunas d’instrucziun. El mument ha il cussegl da scola memia pauc investa el mintgadi da scola. Quei engreviescha la lavur strategica. La communicaziun ei aviarta ed en general buna, daventa denton pretensiusa entras la complexitad da l’organisaziun dalla scola. Co conflicts vegnan tractai e sligiai vegn criticau da rodund in tschunavel dallas scolaras e dils scolars resp. dils geniturs. La purschida da localitads ordeifer las stanzas da scola e lur diever corrispunda buc als basegns dils interrogai.

 

Instruir/Emprender: Direcziun dalla classa

Nus giudichein la direcziun da classa alla scola superiura Glion sco buna tochen fetg buna.

Las persunas d’instrucziun tgamunan las classas cun gronda qualitad. Tipic ei ina tenuta plein stema enviers las scolaras ed ils scolars. L’instrucziun sespleiga practicamein senza disturbis ed il nivel da canera ei adattaus alla situaziun correspundenta. Diversas reglas d’instrucziun e rituals raschuneivels sustegnan il ruaus ed igl uorden duront l’instrucziun. Aschia vegn possibilitau d’emprender e da luvrar a moda concentrada ed ordinada.

Ellas lecziuns visitadas ei il temps d’instrucziun vegnius nezegiaus efficientamein per igl emprender. Pintgas sperditas da temps seresultan entras semtgar ils notebooks resp. tablets.

 

Instruir/Emprender: Clima d'instrucziun

L’instrucziun al scalem superiur Glion ha ina tempra d’emprender fetg buna sco era d’in clima da relaziun positiv.

Las persunas d’instrucziun preparan lur instrucziun aschia, che las scolaras ed ils scolars san luvrar ed emprender concentradaneun e senza tema. Sbagls vegnan nezegiai sco motiv per promover il process d’emprender. Ins s’entaupa amicablamein e cun respect. Las scolaras ed ils scolars schazegian il tractament gest entras las persunas d’instrucziun.

 

Instruir/Emprender: Structuras/Evidenza

L’instrucziun ei bein structurada e s’orientescha per gronda part allas finamiras. Ils pensums ein formulai claramein ed entelgeivelamein.

Las lecziuns han ina buna ritmica. Ellas demuossan ina structura clara ed era in fil tgietschen bein veseivel. L’analisa ed il concept didactic dils cuntegns d’instrucziun entras las persunas d’instrucziun possedan buna qualitad. Aschia san ils scolaras e ils scolars vegnir promovi optimalmein. Il resun dallas scolaras e dils scolars sin las explicaziuns dallas persunas d’instrucziun ei per gronda part medemamein positivs.

Igl agir corrispundent ell’instrucziun entras las persunas d’instrucziun sebasa sin las finamiras veseivlas inclusas. Las finamiras vegnan mo per part communicadas allas scolaras ed als scolars. Ei vegn buc ditgau en tuttas lecziuns da verificar las finamiras per francar ils resultats.

 

Instruir/Emprender: Activaziun cognitiva

L’activaziun cognitiva alla scola superiura da Glion ei buna tochen fetg buna.

Cun incaricas animontas creeschan las persunas d’instrucziun bunas premissas per activar las scolaras ed ils scolars. Ils pensums promovan ina collaboraziun activa, possibiliteschan in luvrar concentrau ed ein pil pli pretensius. Cuntegns impurtonts vegnan exercitai savens cun clara finamira. Las persunas d’instrucziun dattan resuns curregends e specifics tier ils pensums ed ils products. Pertuccont il process d’emprender retscheivan las scolaras ed ils scolars perencunter paucs resuns sistematics. La reflexiun d’emprender ei aunc etablida memia pauc tier las persunas d’instrucziun. Las scolaras ed ils scolars vegnan mo en rodund in tierz dallas lecziuns instrui da reflectar igl agen emprender e las atgnas lavurs. Il feedback dils scolars che duei dar in resun a scolastas e scolasts pertuccont lur instrucziun, vegn menaus atras sistematicamein ed a moda individuala entras la direcziun da scola e las persunas d’instrucziun.

Nus renconuschein ch’il surpli dils geniturs ei dil meini che lur affon emprendi bia sil scalem superiur da Glion.

 

Instruir/Emprender: Pratica cun heterogenitad

La differenziaziun ed il nez dalla varietad ellas classas vegn realisada qualitativamein a moda differenta entras las persunas d’instrucziun. La promoziun dallas scolaras e dils scolars cun basegns specials e la collaboraziun denter las persunas d’instrucziun da classa e la pedagoga curativa vegn realisada a moda pragmatica.

En bien la mesadad dallas lecziuns visitadas haven nus saviu persequitar pensums da different grad da difficultad ed ina coordinaziun dil quantum da pensums ni dil tempo d’emprender adattaus allas premissas dallas singulas scolaras ni dils singuls scolars. Duront las ulteriuras lecziuns ei vegniu differenziau pli pauc.
Sin fundament da nossas constataziuns ei igl emprender in da l’auter ni in cun l‘auter dependent fermamein dalla persuna d’instrucziun. Las fuormas d’emprender cooperativas classicas els treis pass enconuschents (think – pair – share) havein nus plitost entupau pauc ell’instrucziun.

Ils basegns dallas scolaras e dils scolars cun basegns specials vegnan risguradai entras promoziuns specialas.. Sebasau sin cunvegnas funcziunescha la collaboraziun denter persuna d’instrucziun da classa e pedagoga curativa pil pli aschia, ch’in engaschi efficazi dalla persuna d’instrucziun ei garantius. Purschidas per talents specials ein paucas avon maun.

contact

Scola Ilanz/Glion
Paradiesgärtli 9
7130 Glion

telefon secretariat 081 925 28 29

coordinatur local scalem superiur Glion: Gieri Tschuor

mail coordinatur local: gieri.tschuorglion.educanet2ch