La scola Ilanz/Glion ei ina scola menada. Ils differents pensums che la scola ha d'ademplir vegnan reparti sin las diversas instanzas sco il cussegl da scola, il menader da scola, ils menaders da ressort ed ils coordinaturs locals. Il cussegl da scola ei responsabels per la direcziun strategica ed il cuors decisiv dalla scola.

La direcziun operativa dalla scola schai tier il menader da scola. Quel vegn sustenius da dus menaders da ressort. Communblamein fuorman els la direcziun da scola. Per la coordinaziun en ils singuls loghens da scola ein ils coordinaturs locals responsabels. Ils coordinaturs locals, ils menaders da ressort ed il menader da scola fuorman communablamein la direcziun da scola extendida.