Preziai geniturs e visitaders

La reformaziun d'avon 500 onns ha muentau bia ella societad. Las structuras dalla populaziun, igl uorden politic ed il viver quotidian ein semidai continuadamein entochen il di dad oz.

Las damondas che setschentan ein: Co sepresenta la siutaziun oz, 500 onns pli tard? Co semuosssa la veta quotidiana igl 2019 ella vischnaunca giuvna dad Ilanz/Glion? - La scola vegn savens numnada "spieghel dalla societad", pia duessan ins veser enteifer la scola tut las facettas da nossa societad. Las casas da scola Duvin, Castrisch/Sevgein, Glion, Rueun e Ruschein fuorman pér dapi rodund tschun onns INA scola. Els onns vargai ein entginas classas gia s'inscuntradas per emprender d'enconuscher meglier in l'auter. Las festivitads ella rama da 500 onns reformaziun vulein nus uss bugen nezegiar per emprender d'enconuscher meglier in l'auter E VUS, stimai geniturs ed interessai. La scola Ilanz/Glino ha priu per finamira da possibilitar ils 21 da zercladur 2019 in inscunter denter las scolaras ed ils scolars, Vus geniturs sco era ulteriurs interessai. Nossa cultura en ina societad multifara duei vegnir vesibla en tut sias facettas.

menader ressort projects

Marc Pfister